Catatan Irza

Kemarin malam habis pulang dari ane punya toko, subhanallah dikasih ujan sama Allah, naik motor sampe ngesot-ngesot, alhamdulillah ini jalanan udah rata sama yang namanya aspal, kebayang deh tuh, zaman engkong babe gue, waktu ane masih kecil dulu, pas ujan ni jalan bakalan buecek…., tanah bakalan blepotan ama lumpur, pergi sekolah juga masih pake sepeda gunung, kalau bannya kempes di paksain aja deh, maklum yang namanye pompa zaman dulu masih langka, ini ban saat bergesekan ama itu tanah yang berdugul gak rata, bakalan bunyi…
Duit… duit….
Tahu aja ni sepeda kalo ane kagak punya duit, entar kalo udah ane makanin pake pompa baru tau rasa lo, bisa naik sepeda juga Alhamdulillah, kalo dulunya cuman jalan kaki doang, maklum SD ane dekat ama rumah, kagak nyampe seratus meter udah nyampe, kalo zaman sekarang mah beda, anak SD juga sudah megang hape, pake kamera lagi, subhanallah.. pantesan anak zaman sekarang cepat dewasanya.
Ane ingat dulu, kelas 3 SMA baru megang yang namanya hape, itupun make hape bunda, habis minder sama teman2 sekolah yang lain, pada pake hape semua, maklum lah zaman ane kecil dulu mungkin masih suka minder, meskipun ni hape super canggih, cuman bisa sms dan telpon doang, nadanya juga sangat sederhana, bukan hape layer warna, tapi alhamdulillah, syukurnya luar biasa, kemana2 di tentengin mulu itu hape, mau tidur di pencet2 mulu meskipun yang di pencet itu2 saja, pulsanyapun masih beluman ada, gayanye doang yang ada, hehe..

Kalo sekarang media udah canggih, tapi kalo kita kagak lebih canggih dari media bakalan repot, banyak anak2 yang bisa ngedapetin situs negatif hanya ngeklik dengan satu jari, film/cerita di tv juga lebih mempertontonkan kemesraan di luar batas, kemuliaan cewek cuman dinilai dari kemilau rambut dan putihnya kulit menurut iklan, masya Allah, karena itu bagi orang tua yang ngasih dia punya hape canggih kepada anak yang dibawah umur tanpa perhatian/pendidikan lebih, ingat aje tuh kata bang Napi apaan, WASPADALAH…!!! WASPADALAH…!!!
Kalo kita liat dari zaman sekarang nih ye.., anak2 smp aje udah bisa pacaran, malah katanye aje sih ye, moga aja kagak bener, katanye zaman sekarang sulit nyari remaja yang bibirnya masih perawan, masya Allah deh, kalo mendekati zina aja udah kayak belanjaan gini, pegimane zinanye.
Ane ingat tuh, kata Ustadz Yusuf Mansur nih yee…, hal pertama yang harus diperbaikin adalah shalat, shalat kan mencegah perbuatan keji dan mungkar tuh, nah kalo ada remaja yang doyan pacaran, doyan zina, kagak taubat2 juga, alias taubat tempe, apaan tuh taubat tempe, taubatnye karena kagak ada kesempatan, begitu ada kesempatan maksiat lagi, waduh.. berabe dah, bisa di cek tuh, pegimane shalatnya, udah pas ato belum, kalo kita ahli shalat khusuk mah kagak bakalan deh, demen ame hal begituan, ya kagak?
Dulunye ane juga pernah menjadi hamba Allah, yang kagak mengerti bahwa Allahlah jawaban dari permasalahan ane…, pengen tau kisahnye? Entar aje deh ye.., soalnye udah malam nih.., entar kita sambung lagi 
( Bersambung )